Damchhung atan Udinese fan pali hrem
AC Milan mihang goalkeeper Mike Maig-nan laka vunrawng hmusitna auchhuahpuitu an dapna kal zelah Udinese chuan an fans palite chu an dam-chhunga an khelmual Bluenergy Stadium (Stadio Friuli) rap leh ngai reng reng tawh lo turin an hrem leh.
A hmain Serie A club hian an fan pakhat chu mikhial keeper chhaih case-ah chiah hian an lo phuar tawh bawk a nih kha.
January ni 20 league match-a Milan leh Udinese inkhelh tum khan mikhual mihang goal-veng Maignan chu mipui lam atangin a hanna hmusit zawnga auhnawmnah niin, an keeper chunga thil thleng avangin Milan player-te chuan khelmual an chhuahsan diak a, hun engngemawchen inkhel a khaihlak hnuah AC Milan chuan 3-2 hnehna an chang a, mipui lam atanga zawngte kheka lo khek zawngin an buai zui ta a ni!
Italian police-te Udinese-in damchhunga an khelmual rap leh thei tawh lo tura an hrem tak fan palite hian kum nga chhung chu Italy rama stadium dang zawng zawng pawh an luh ve a rem loh tur thu an puang ve bawk.
Nilainia Udinese thu-chhuah chuan AC Milan player Mike Maignan laka chi inthliarna thawm lanchhuahtirtu fan pali dangte chu tutenge an nih nemngheh a nih thu leh Stadio Friuli lut thei ngai tawh lo tura phuar an nih thu an tarlang a, hetih kawngah hian police an thawhpui zel tur thu leh thil tisualtu laka hremna a tlak ngei theihna tura tan an khawh tlat tur thu an tarlang tel.
Tarlan tawh angin, Thawhtanni khan Udi-nese hian damchhung atan an fan pakhat chu an khelmual lut leh ngai tawh lo turin an lo hrem tawh bawk a nih kha.
Nilaini khan Italian police-te chuan Udine khawpuia cheng mipa pakhat bakah hmei-chhe pakhat leh mipa dang pahnihte stadium chhunga chet dan leh thawm chhuahna video footage chu zirchian tura an lak thu an lo puang tawh a ni.
Italy ram football match-a chi inthliarna lam hawi thawm chhuah (racist abuse)-tute chu a vawikhat-naah kum nga chhung inkhel en thei lo tura hrem phawt tur an ni a, mahse, thuneitute hremna pangngai bakah hian club-te chuan chu aia rei zawk hremna an pe thei a, Udinese pawh hian damchhung atan hremna an lekkawh ta a nih hi.
Italian football thu-neitute chuan an fans thenkhat chet dan avangin Udinese hi match khat chhung inkhel entu awm loa home match khel turin an hrem tel ve bawk.
Damchhung atan Udinese fan pali hrem
