India rama sawrkar damdawi in tha tehnaah Kolasib District Hospital a tling thar.
National Health Mission Mizoram mission director Dr Lily Chhakchhuak sawi danin, India rama sawrkar damdawi in tha bik tehna – National Quality Assurance Standards (NQAS) ah Kolasib District Hospital a tling thar a, tehnaah 96.39% a hmu. Mizoram puma District Hospital 12 awm zingah NQAS national certificate hmu 7 an awm tawh.
Heti hian Mizorama sawrkar damdawi in 37 chu NQAS national certificate nei an ni a. Tunah hian sawrkar damdawi in 22-in state level certificate nei tawhin, national certificate result nghak mek 6 an awm a ni.
Health & Family Welfare minister Lalrinpuii chuan, India rama damdawi in tha bik thlan chhuah zingah Mizorama damdawi in an awm belh zel chu Mizoram tan mellung pawimawh tak a nih thu leh damdawi in, district leh state-a thawktute thawhrimna leh taimakna chhuanawm a tih thu a sawi a. Heng tehna hi sawrkar damdawi in pantu damlote chu a chhawr tangkai bertu tur an ni tih a sawi.
Damdawi in tha zingah Kolasib Hospital
