Court, district magistrate leh police-te India rama pawikhawihna kaihhnawih dan thar pathum hnuaia tha zawka thawh ho dan tur chu Aizawl District Court hnuai amiten an rel a. Jail tihchangtlun lam an sawi bawk.
Kum 2013-a Gauhati High Court-in thlatina huaihawt thin tura hriattirna a siam angin, Judicial District Aizawl huamchhunga district magistrate/ bawrhsap leh superintendent of police-te chu September 27 khan District judge hoin an thukhawm a. Jail thawmthat, jail-a medical officer dah belh, hnuchhui leh court-a kalpui zel dan, criminal law thar, search & seizure chungchang leh electronic evidence lak dan sawi a ni. Aizawl SP Rahool Alwal chuan e-Sakshya Application chungchangah presentation a pe a ni.
Heng bakah hian court leh police-te thawhho dan sawi a ni a, bawrhsap-te nen guardianship chungchang sawi a ni bawk.
Thutkhawmah hian Aizawl Judicial District huamchhung – Aizawl, Mamit, Serchhip, Kolasib leh Saitual-a bawrhsap leh SP leh an aiawhte an tel.
Dan thar hnuaia thawhho sawi
