David Lalremruata hmuak ropui
Pathianni khan tun hnaia Lucknow khawpuia khleh zawh tak 13th National Para-Judo Championship-a Mi-zoram ai awh leh gold medalist ni bawk David Lalremruata chu Mizoram Blind Association, Mizoram Judo Association leh a khaw chhuahna West Serzawl khawtlang hruaitute’n Lengpui Airport-ah ropui takin an lo hmuak.
Hmuahna hunah hian Mizoram Blind Association president Ramthachunga leh hruaitu dang te, Mizoram Judo Association president Ronnie Rosanga Varte leh hruaitu dangte bakah West Serzawl khawtlang hruaitu leh David Lalremruata duhsaktu thahnem tak an pungkhawm a ni.
13th National Para-Judo Championship-ah khan Mizo tlangval hi Blind Category Kg -81 huangah a inlan a, a khingpui zawng zawng a ‘knock-out’ vek a ni!
Tlangval David-a hi member a nihna Mizoram Blind Association te, duhsak taka amah chhawmdawltu Mizoram Judo Association leh a khua West Serzawl khawtlangte chuan March ni 5, 2025 (Nilaini) hian a lawmna pui zawk an buatsaihsak dawn a ni.
David Lalremruata hmuak ropui
