David Rush chu TV series Live with Kelly and Mark-ah inlanin, ama record siam khumin, minute khatah balloon 600 hnek keh hmanin, record thar a siam. David Rush hi Guinness World Record-ah a mikhual lo hle a, a khat tawkin record a siam deuh reng a, tunah hian record title 181 a nei mek a, tum khata Guinness World Records title nei ngah ber record a siam mek a ni. Guinness World Record hrim hrim hi chu 300 chuang a siam tawh.
David Rush hian he talk show-ah hian balloon 630 chu bangah hnek keh awlsam turin a tlar tuar mai a, boxing glove bun chungin a’n hnek ta char char a, minute khatah balloon 600 a hnek keh hman. A hmaa hetiang record pawh hi ama siam tho niin, a record hmasa chu balloon 327 a ni.
David Rush-a’n record a siam leh ta
