Deemed university-ah NIELIT
Course neih belh turin ram thar
NIELIT (National Institute of Electronics and Information Technology) chu Deemed University-a hlankai a ni tawh a, hemi zar zo hian zirlai nuai chuang zirchhuah tawhna NIELIT Aizawlah pawh course pathum hawn belh a ni. Course hawn belh zel turin hmunin a tlin tawh loa, ram mamawh belhna state sawrkarah thlen tawhin an ngaichang mek.
NIELIT Aizawl Centre-ah hian course pathum – M.Tech in Computer Science & Engineering (Articial Inteligence & Machine Learning), B. Tech in Computer Science & Engineering (Articial Inteligence & Machine Learning), leh B. Tech in Electronics (Internet of Things) hawn belh chu Ningani khan NIELIT New Delhi director general Dr MM Tripathi chuan Aizawlah a tlangzarh.
NIELIT hotu chuan Mizoramah ngei pawh technical course zirna inpui awm nual tawh mah se, NIELIT chu India rama industry/ company lian tam tak nena inthlunzawm tlat, industries tana ruahman bik liau liau a nih avangin state leh ramin a chhawr lehzual bik avangin an hnen atanga zirchhuah chu a chhawr nahawm zual tih a sawi a ni.
NIELIT hotute chuan Mizoram sawrkarin ram awl a pek theih hun hunah course thar hawn belh zel an tum tih an sawi a. Ram mamawhna hi sawrkar hotute hnenah an thlen tawh a, chief minister pawh sawipui an tum tih an sawi.
8 NIELIT Aizawl Centre hi kum 2001 khan Zuangtui Industrial Estate-ah din a ni a, India rama state hrang hrangah Centre 47 a awm mek.
8 NIELIT-a course hrang hrang awm hi pawl 10, pawl 12 leh graduate tan zir theih a ni a. IT leh electronics lam zirna bakah software development, R&D project, consultancy service leh heti lam kaihhnawihah an insawrbing a ni.
8 Tribal (scheduled tribe) leh scheduled caste te tan sawrkar laipuiin course fee zawng zawng a tumsak a, Mizo zirlaite tan pawh zir man chawi loin a thlawnin zir theih a ni. Mizoram Scholarship Board atangin scholarship an dawng thei . Mipa leh hmeichhia tan Centre huamchhungah hian hostel (limited seat) a awm nghal bawk.
8 Kum 2013 khan Pukpui Lungleiah Extension Centre din a ni a. Zirlaiten awlsam zawka digital literacy course an zir theihnan Mizoram district headquarters leh khaw lian deuhah Exam/ Study Centre engemawzat din a ni.
8 Deemed university hnuaiah tunah hian course kalpui mek – Diploma, BCA, MCA & non formal course bakah tuna course thar pathum hawn takte hi zir theih a ni.
Deemed university-ah NIELIT Course neih belh turin ram thar
