Nimin khan Delhi Police te chuan khawpui lailia bazar pakhat atangin naupang kumtling lo hnathawka chhawr 21 an chhanchhuah thu an sawi.
Dy. Commissioner of Police (southwest) Surendra Choudhary sawi danin, thawhlehni khan tlawmngai pawl thenkhatte puihnain Delhi Police te chuan khawpui lailia awm Sadar Bazar ah kumtling lo hnathawka chhawr enfiah hna an thawk a, naupang 21 zet an chhanchhuak a ti.
Heng naupang an chhanchhuahte hi a bik taka enkawlna hmunah dah luh nghal an ni a, Delhi Cantonment Police Station-ah Child Labour Act hmanga thubuai ziah luh niin, a tul anga hmun dang pawh enfiahna an neih chhoh zel dawn thu an sawi.
Delhi-ah kumtling lo hnathawk chhanchhuak
