Delhi boruak a chhe chho zel
Diwali hma ni, nimin thleng khan Delhi khawpui chhung boruakin bawlhhlawh lam a pan chho zel a, boruak thianghlim leh thianghlim loh tehna hmanga teh pawhin red zone-ah a awm.
Khawpui chhung pumpui chu Air Quality Index (AQI) hmanga teh thin niin, a ni telin san lam a pan zel a, AQI ah pawh hian red zone a chhuahsan hlei thei lo a ni.
Central Pollution Control Board chuan khawpui chhungah pawh Anand Vihar, Ashok Vihar, Aya Nagar, Bawana, Jahangirpuri, Mundka, Vivek Vihar leh Wazirpur-te chu boruak duhawm lo zual an nih thu sawiin, boruak bawlhhlawh hi chhum ang maia a zam pawt chuai thu an sawi.
Boruak a bawlhhlawh viau chung hian khawlum dan erawh a ngai reng thung a, a hniam berah 21 degree celsius aia hniamah tla thla thei lovin, a sang lam phei chuan 36 degree celsius a la thleng chho tlangpui reng a ni.
Delhi boruak a chhe chho zel
