Delhi-in khawlum ber thla tawng
India Meteorological Department (IMD) chuan khawlum dan tehna hmanga an en hnuah thla liam ta October thla kha kum 1951 hnua a lum ber tum niin a sawi.
IMD chhinchhiah dan chuan a lum lai berin 35.1 degree celcius aiin a hniam lo a, a hniam ber laiin 21.2 degree celcius a pel lo bawk. Hei hian boruak tha lo tam tak a keng tel bawk a ni.
Delhi boruak hi mihring an pun chhoh zel avang leh boruak bawlhhlawh a tam chhoh zel bawk avangin a lum thei hle a, Diwali zan phei kha chuan halmawi leh halpuah khapna dan bawhchhia an tam avangin boruak a chhe zual hle nia sawi a ni.
Boruak chhe chho zel avang hian khawpui chhung boruak pawh hi hmuh theih khawpin a thianghlim lo a, meikhu ang maiin boruak bawlhhlawh chu a paw chuai bawk.
Khawlum hian mihring hriselna atana tha lo tam tak ken tel a neih avangin damlo leh taksa chak lote tan hmun hrisel a ni lo a, pollution control board lam pawhin boruak thianghlim leh hriselna lama nghawng tha a awm theih dan tur an ngaihtuah reng thu an sawi zui.
Delhi-in khawlum ber thla tawng
