Department works-ah GST an la tawh dawn

Mizoram sawrkar hnuaia departmental works-ah Taxation department chuan Goods & Service Tax a la zel tawh dawn.
Taxation minister Dr Vanlalthlana sawi danin, GST an lakna tur hi state sawrkar dan siam thar a ni loa, hmarchhak state-ah thil siam chhuah ni lo, mahni thiam thil atanga sum dehchhuahnaah kum khatah mi-in cheng nuai 10 aia tam a lakluh chuan GST (GST on services) zaa 18 a pek a ngai tih a awm thu a sawi.
Kum 2019 khan Mizoram sawrkar chuan GST hnuaiah compostion scheme a siam a, chu notification-ah chuan cheng nuai 50 hnuailamah GST zaa 6 pek theihna siam niin, hei hi tuna an hman tur chu a ni tih minister hian a sawi. Nuai 50 chunglamah chuan departmental work enkawltuten supervisor a nihna anga service a pe a nih chuan, zaa 18 GST a pek a ngai dawn tih a sawi bawk.