Jr NTR, Janhvi Kapoor leh Saif Ali Khan te channa ‘Devara: Part 1’ chuan India-ah ni ruk chhungin cinema hall ticket hralhna atangin cheng vaibelchhe 200 a la lut tling ta.
He film hi September ni 27-a tlangzarh kha niin, opening day-ah tawng hrang hrang- Hindi, Telegu, Tamil, Malayalam leh Kannada version te hmuhchhuah belhkhawm chu cheng vaibelchhe 82.5 a tling thei a, Telegu film a nih angin Telegu hi a sum lak luh tamna a ni a, Hindi version lamah pawh a chetha viau tho. He film hi US lamah pawh a che tha hle a, North American box office-ah pawh top 5-ah a lang pha hial a ni.
Cinema hall ticket hralh a tlahniam deuh hman a, mahse, Gandhi Jayanti avangin October ni 2-ah ticket hralh a pung leh vak a, Nilaini bikah khan India-ah cheng vaibelchhe 20.50 lak luh belhin, tihian an tlangzarh atanga ni ruk chhunga a lak luh chu India-ah cheng vaibelchhe 207.85 a tling ta a ni.
Devara: Part 1-in vbc 200 la lut tawh
