‘Dhurandhar 2: The Revenge”-in Hindi film record a siam
Aditya Dhar film siam, Ranveer Singh channa ‘Dhurandhar 2: The Revenge’ chuan opening day-ah cinema hall ticket hralhna atangin cheng vaibelchhe 102.55 a la lut thei a, tun weekend kalta (Zirtawpni – Pathianni) chhunga India-a cinema hall ticket hralhna a lak luh zawng zawng chu cheng vaibelchhe 172.63 a tling a, ram pawn atangin vaibelchhe 64 la lut bawkin, tihian khawvel huapa opening day-a a lak luh chu cheng vaibelchhe 236.63 a tling.
A film Hindi version bikin a ni khatnaa a sum hmuh chu vaibelchhe 99.10 a tling a, hei hi Hindi film awm tawh zawng zawnga ni khatnaa sum la lut tam ber a la ni. A hmaa he record siamtu chu ‘Jawan’ film niin, cheng vaibelchhe 75 a la lut thei a, ‘Pathaan’ (vbc 57), ‘Animal’ (vbc 63.80) lej ‘Stree 2’ (vbc 52) ten am dawt.
Hindi film chauh ni lo Indian film hrim hrimah chuan Dhurandhar 2: The Revenge hi opening day a sum lak luh tamah top 5 a ni pha a ‘Pushpa: The Rule – Part 2’-in record siamin, a nikhatnaah cheng vaibelchhe 164 a la lut thei a, RRR (vbc 133), KGF Chapter 2 (vbc 116), leh Dhurandhar 2: The Revenge (vbc 103) leh Kalki 2898 AD (vbc 95) ten an dawt.
Kumina Indian film tlangzarh tur zinga ngaihven hlawh ber Dhurandhar 2 hian paid preview-ah ringawt cheng vaibelchhe 43 a tling thei a, Indian film zinga paid preview record niin, a hmaa he record siamtu chu Telegu film Pawan Kalyan channa ‘They Call im OG’ niin, paid preview cheng vaibelchhe 25 a nei thei.
Spy action thriller, Dhurandhar 2 hian Indian spy Hamza Ali Mazari aka Jaskirat Singh Rangi chetvel dan tho a la tarlang a, he Indian spy hi Karachi-ah a ruka awmin, rawlrala che thin pawl phin darh tura a chet dan vel tarlanna a ni. He film hi Hindi bakah Telegu, Tamil, Kannada leh Malayalam a tihchhuah a ni.
‘Dhurandhar 2: The Revenge”-in Hindi film record a siam
