Union road transport minister chuan diesel vehicles lakah chhiah 10% lakbelh an tum thu sawiin automakers te chu fuel emission tihniama pollution tihhniam a nih theih nana diesel hmangte hnawl turin a ngen bawk a.
Nitin Gadkari chuan heng thu te hi Society of Indian Automobile Manufacturers (SIAM) annual conference, New Delhi a neiha executives of Tata Motors, Mahindra and Mahindra , Maruti Suzuki leh foreign carmakers heng Mercedes leh Volkswagen te punkhawmnaah a sawi a ni.
Gadkari chuan Thawhlehni tlai lamah finance minisetr chu diesel vehicles laka goods and services tax lak 10% a tipung tura a ngen tur thu a sawi a, chu chu pollution nasa lutuk tihhniam a nih theih nana tihmakmawh a nia ti bawk a. India hian tunah chihah 28% la mekin hei bakah hian a vehicle a zirin ‘cess’ a la zui bawk.
“Diesel kan mangtha a ngai tawh a, chiah kan tisang vak anga chu chuan vehicles te hralh a tiharsa dawn a ni,” tiin Gadkari chuan a sawi bawk.
“Petrol leh diesel te hi hnuchhawnin pollution free lam kan hawi a ngai a. Company-te pawhin rang takin insiamremna an neih a ngai a ni,” tiin automakers te chu a hrilh bawk.
Gadkari thusawi hian Delhi conference a tel executive te sawiho laihna a siam zui nghal a, a thente chuan chanchin lawmawm lo an tihsak a. Mercedes India managing director, Santosh Iyer chuan customer tam tak te chuan diesel vehicles an la thlang tia sawiin tax polocy thlak danglama nih chuan automakers te ‘portfolio strategy’ a kuaiher danglam dawn a ti bawk a.
“Kan production planning process thlak danglam nan thlaruk hun kan nei a, mahse demand azirin kan inthlak danglam thei a ni,” tiin a sawi bawk.
Pollution chu India ram hmun tin tana buaina tam tak thlentu a ni tawh a. Vehicular emission tihniam, fuel import tihtlem leh stubble burning tihtlem te chuan tun thlegin India ramah rah tha a chhuah hlei thei lo va, coal power capacity pawh China tih loha a san berna ram a ni bawk.
Minister thusawi avang hian automakers Mahindra and Mahindra, Tata Motors leh commercial vehicle maker, Ashok Leylanf te share chu 2.2% atanga 2.5% velina tlahniam zui nghal a ni.
Gadkari hian SIAM conference ah pawh a hmain sawi a lo nei tawh a. Kum 2017 khan Gadkari chuan auto executive pungkhawm te hnenah electric vehicles (EVs) lama inlet turina lo ti tawh a. “In duh emaw duh lo emaw ka ti dawn tho a. Ka zawt dawn lo che u a, kan kal mawp dawn,” a lo ti tawh a ni.
India chuan tun hnaiah electric vehicles (EVs) te tihlar tuma nasa taka hma lain tax incentives te siamin kum 2030-ah India rama car hralh atanga 30% chu EVs nih tir hman a tum a ni.
Khawvela car market lian ber pathumna India rama diesel vehicles hralh chu kum sawm kaltaa 50% atangin 18% ah a tlahniam tawh a. Gadkari chuan India chuan fuel emission norms khauh zawk a kalpui zui zel dawn tiin a sawi bawk a, an tum ber chu diesel vehicles te thlauhtlak a ni tiin a sawi.
Veejay Ram Nakra, chief executive officer for the automotive division of Mahindra and Mahindra chuan TV news channel ET Now hnenah tax lak dan inthlak danglam chuan vehicles hralh a khawih ngei ngei dawn tiin a sawi a.
Ashok Leyland Chief Executive Shenu Agarwal pawhin CNBC-TV18 hnenah tax thlak danfglam ai chuan electric, hydrogen leh alternate fuel lamah incentive nasa zawka pek ni se a ti bawk.
April 2022 atanga March 2023 thleng khan commercial vehicles India ramah 962,000 vel hralh a ni a, chu chu a hma kum aia a sanna chu 34% lawih a ni a. Passenger vehicles hralh pawh hetih chhung tho hian 27% a pungin 3.9 million hralh a ni.
Diesel vehicle tax 10% in tisang dawn
