Tennis a inelna ngaihhlut hlawh Grand Slam pali zingah pawh an hlut ber Wimbledon chu 2026 atan Thawhtanni khan khelh tan a ni a, 2025 ah hliam vanga khel tluan thei lo Grigor Dimitrov chu tha takin a kir a, Dane Sweeny lak set hloh lovin a chak.
Wimbledon 2025 ah khan Dimitrov hi champion zui ta Jannik Sinner nen an inhmachhawn a, set hnih a la hmasa. |ha taka inlan a 2-0 a hma a hruai laiin a inhliam hlauh a, a khel tluan thei lo. Player tha tak Sinner hneh theihna hun tha nei bawk mah se mittui nen khelmual a chhuahsan a tul tlat thung.
Kum khat liam taah mittui nen a chhuahsan inelna chu dam tha zawkin a hmachhawn leh ta a, set hloh va hnehna chang nghalin hlim nui sangin khelmual a chhuahsan ve ta thung.
Tawnhriat nghah Dimitrov hian Wimbledon 2026 first round-ah Australian Dane Sweeny a hmachhawn a, set thum an khelh chhungin inbeitawk thawkhat viau mah se set thum a la zawn a, 7-6 (7-4) 6-3 7-5 in hnehna a chang.
Dimitrov a chak nghal lai hian champion tura rinkai zinga mi American fourth seed Ben Shelton chuan first round a paltlang zo lova, world number 140 Otto Virtanen hneh lovin a tla ringawt. Shelton hian set la hmasa in, set lina la leh tho bawk mah se deciding set hmuhnawm takah a ding chang zo lova, a khingpui Virtanen lakah 6-4 3-6 6-7 (8-10) 6-2 7-6 (11-9) in a tlawm.
Thawhleh zana inkhel dangah Wimbledon hmachhawn zui tawh lo tur Stan Wawrinka pawh he inelnaa final khel tawh Matteo Berrettini hneh lovin a tlawm a, a tum aia hmain Wimbledon a mangtha. Italian Berrettini chuan Grand Slam a vawi thum champion tawh Wawrinka hi 6-7 (7-9) 7-6 (18-16) 7-6 (9-7) 7-6 (7-5) in a hneh a. Swiss hian season kal mek tawp hunah Tennis a chawlhsan ve tawh dawn.
Dimitrov a chak nghal
