District thar hoah land record hlan
Saitual, Hnahthial leh Khawzawl district-ah Land Revenue & Settlement department-in a taka hna an thawh theihnan heng district pathum huamchhung khuaa land pass chi hrang hrang leh guard file chu an pianna district office atangin district thar bawrhsap pisa-ah hlan a ni.
Saitual district land records chu Aizawl-a Revenue directorate leh Champhai Settlement Officer office atangin hlan a ni a. Hnahthial district land record chu Lunglei district atanga dawn niin, Champhai SO office chuan Khawzawl leh Saitual district land records an kawl ho chu heng district pahnih bawrhsap pisa-ah an hlan a ni.
LR&S minister B Lalchhanzova chuan district tharah mipuiin Revenue department an mamawhna a san zia hria in, heng district pathumah hian hna thawk thei tak tak tura thuam an tumna kalzel a ni tih a sawi.
Minister chuan Revenue department hi India ram state dangah chuan bawrhsap enkawlna hnuaia awm a ni a, chu chu an chakna hnar pawh a ni, tiin, hei hi Mizoramah an kalpui tan mek tih a sawi a ni.
Chief minister-in Revenue department-a thawktu an indaihloh dan hriain post hnawh khah an dil chu engemawzat phalsak an ni tawh tih a sawi a. Heng hna hi lak fel an nih hunah district thar bakah district dangah pawh thawktu tam zawk indah theih thuai a beisei tih a sawi a ni.
District thar hoah land record hlan
