Distrubed ‘The Sound of Silence’ leh Nelly Furtado ‘Say It Right’ music video te cuan YouTube-ah vawi tluklehdingawn en an hlawh a, YouTube-a hetiang zat en hlawh thei music video an neih vawi khatna ve ve a ni.
Disturbed hian Simon & Garfunkel classic ‘The Sound of Silence’ hi 2015 kan an cover a, a album ‘Immortalized’-ah an dah tel a, an tlangzarh hlimah Billboard Hard Rock Digital Songs leh Mainstream Rock chart-ah te No.1 a kai nghe nghe.
He hla hi an band hian 2016-a Conan-a an perform nua Paul Simon chuan tha a tih thu a sawi chhuak a, ei hi Disturbed frontman David Draiman chuan an Facebook page-ah lawmthu sawiin, “Khawvela songwriter ropui berte zing ami hnen atanga email hi dawn zen zen ngai pawh a ni lo. Amah Paul Simon nen ngei kan thu inthawn tawn hi lo hre ve ngei teh u! Tu emaw khan min han sik teh u… P.S., chuan maw, hei hi April Fool inbumna fiamthu mai mai a ni lo aw,” tiin a ziak hial a ni.
Paul Simon hian Disturbed hi email thawnin, “Hmanni Conan-a in-performance kha a pui khawp mai. Live-a in che lai ka vawi khat hmuhna a ni. Nice. Thanks,” a ti a, Draiman hian chang letin, “Pu Simon, thu a sawi fiah theih loh khawpin kan lawm e. Khawvela songwriter tha berte zing ami kutchhuak hi a lutna kan phawk chhuak zo ve ang em aw kan ti chauh a ni. Min fakna awka chhuak hi kan tan a ropui thlawt e,” a ti ve bawk.
Nelly Furtado ‘Say It Right’ featuring Timbaland music video pawhin an tihchhuah atanga kum 15 dawn hnuah YouTube-ah vawi tluklehdingawn en a hlawh ve ta. He video hi June 2009 khan YouTube-ah upload a ni a, Furtado hian Los Angeles skyscraper velah a perform lai a lang a, Timbaland-a’n backup vocals a lo pui lai te a lang bawk.
He hla avang hian Furtado hian Grammy pop vocal performance-ah nomination a neih phah nghe nghe a ni. A hla hi Furtado album pathumna ‘Loose’ atanga a single niin, 2007 khan Billboard Hot 100 (singles) chart No.1 a kai a, a album pawh hi Billboard 200 (albums) chart-ah No.1 a kai bawk. He album-a a hla dang ‘Promiscuous’ featuring Timbaland pawh Hot 100-ah kar ruk chhung a No.1 thei bawk.
Disturbed leh Nelly Furtado 1B view club-ah an tel ve ta
