Document lem hmanga
kutdawh hnamdang man
MZP chuan Mamita kutdawh, hnamdang pahnih chu doucment lem hmang an ni tih an hmuchhuak.
MZP Mamit Hqrs. chuan Ningani khan S. Ravi Kumar, Hyderabad inti, tawngtheilo leh bengngawng anga insawi chuan Mamitah document lem hmangin kut a dawh a. Tunkar tir lam khan Zamuang khuaah kut a lo dawh tawh a, sum engemawzat a hmu tih a sawi a ni.
December 12 zinga Mamit Hmarveng lamah kut a dawh chu MZP hruaitute chuan a document an lo ensak a, a lem a ni tih an chian hnuin police kutah an pe nghal a ni. Amah hian ILP emaw document dang – Aadhar, Voter’s ID adt engmah a nei loa, Ningani vek khan thawn haw nghal a ni. Mipui atangin sum engemawzat a lo khawn tawh tih sawi a ni.
Hetianga document lem hmanga kal kual hi an lo awm fo tawh tih Mamit MZP hian sawiin, ‘Mipui kan him zawkna atan hetianga rawn kal kan hmuh chuan pawisa pe lo tur leh thuneitute bula report zel turin kan inngen a ni,’ a ti.
Document lem hmanga kutdawh hnamdang man
