Don Roliver-a’n No.1 album a nei ta

Don Roliver-a’n No.1 album a nei ta
Don Toliver album ‘OCTANE’ chu Billboard 200 (US albums) chart No.1-ah a debut a, he chart-a No.1 kai thei album a neih vawi khatna a ni. Hetihrual hian Bad Bunny album DeBÍ TiRAR MáS FOToS pawhin Grammy Awards-a a chetthat zar zoin No.9 atangin No.2-ah a invawrh thar leh a, Noah Kahan ‘Stick Season’ pawh No.13 atangin No.7 a kai thar leh ta bawk.
Billboard 200 chart hi kar khat chhunga US-a album hralh tam dan atanga tehin chart ranking siam thin a ni a, album hralh zat chhut nan hian album tak tak hralhna bakah streaming atanga album hralhna tlukpui leh album-a hla a mala hralhna atanga album tlukpui te belhkhawm thin a ni.
‘OCTANE’ hi 1,62,000 hralhin, chung zinga 1,31,000 chu streaming (on-demand official stream maktaduai 138.98) niin, album tak tak hralh chu 31,000 a ni a, album-a hla a mala hralhna chu chhiar tham a ni lo. OCTANE hi Don Toliver album chart top 10-a lang thei pangana a ni.
Bad Bunny No.1 album DeBÍ TiRAR MáS FOToS chu No.9 atangin No.2-ah a invawrh thar le a, he album hi 85,000 an hralh a, Grammy Award sem zawh karah a kar hmasa nena khaikhinah a hralhna i 138%-in a rawn pung a ni.
Chart No.1 hlui bawk Morgan Wallen “I’m the Problem” chu 77,000 hralh lehin No.2 atangin No.3-ah a tawlh a, Olivia Dean ‘The Art of Loving” chu 70,000 hralh lehin No.4 a ni bawk. Olivia Dean hian Grammy Awards-ah khan best new artist a dawng a, chumi hnuah a album hralh hi 38%-in a pung nghal a ni.
Chart No.1 hlui Taylor Swift ‘The Life of a Showgirl’ chu 46,000 hralh lein No.6 atangin No.5 a kai thar leh a, No.1 hlui bawk KPop Demon Hunters soundtrack chu 43,000 hralh lehin No.8 atangin No.6 a kai thar ve leh ta bawk.
Noah Kahan ‘Stick Season’ pawh kum khat chuang hnuah top 10-ah a rawn lang ve leh ta nawlh a, 42,000 hralhin No.13 atangin No.7-ah a invawrh. Noah Kahan hian a single ‘The Great Divide’ a tichhuak a, Grammy Award sem lai khan commercial break-ah a music video a tichhuak bawk a, chutah tour a neih tur thu a puang bawk a, hei hian album hralh a tikal thar leh ta a ni. ‘Stick Season’ hi March 2024 khan chart No.2 a lo tawh a, Top 10-a a lan hnuhnun ber chu November 2024 kha a ni.
Chart top 10 khartu album pathum te chu chart No.1 hlui vek niin, Zach Bryan ‘With Heaven on Top’ chu 41,000 hralh lehin No.4 atangin No.8-ah a tawlh a, SZA ‘SOS’ chu 38,000 hralh lehin No.10 atangin No.9-ah a tawlh a, ASAP Rocky ‘Don’t Be Dumb’ chu 34,000 hralh lehin No.5 atangin No.10-ah a tawlh ta bawk.