Donald Trump lak luhnaah Village People perform dawn

Donald Trump lak luhnaah Village People perform dawn
Donald Trump presidential inauguration-a zai tur zingah Village People an puang tel ve leh ta a, Facebook-ah an zai tur thu hi puangin, “President Elect Trump campaign atangin lak luhnaa zai tura sawmna kan pawm e,” an ti.
Donald Trump campaign-naa Village People hla Y.M.C.A. an hmang lar hle a, a tirah chuan Village People pawhin an hla Trump campaign atana hman chu an remti lo deuh tituai a, mahse an inrem thei ta a, tuna chuan an la tawn ngai lo, an vanglai pelh daih tawh hnuah presidential inauguration-a zai theihna remchang an neih phah dawn ta a ni.
Village People chuan, “Kan zai tur hi thenkhat chuan in lawm lo ang tih kan hria, engpawh ni se rimawi hi chu politics thliar lova ttih ril tur niin kan ngai. Kan hla Y.M.C.A. chu khawvel huap hla chuam a nih avangin kan duh candidate a tlin loh avanga inthenna leh buaina kara kan ram min phuar khawm lehtu a nih kan beisei,” an ti.
Village People hi Capital One Arena, Wahsington-a Trump ‘victory rally’-a leh Liberty Inaugural Ball-ah te an zai dawn a ni.
2020 leh 2024 campaign rally-ah te Donald Trump hian ‘Macho Man’ leh ‘Y.M.C.A.’ hla te a hmang lar hle a ni.
Nikum December khan Village People member Victor Willis chuan Trump campaign rally-a ‘Y.M.C.A.’ man an remtih takna chhan sawiin, 2020-ah khan Trump chu a rally-ah an hla hmang lo turin an lo ngen tawh a, mahse, Trump hian ‘Y.M.C.A.’ hla hi a duh ve tak tak a, a hlimpui hle nia an hriat avangin an phal sak ta law law mai niin a sawi a, Trump-a’n a hman hnuah an hla hralh pawh a kal leh sawt niin a sawi bawk.