Drake ‘Janice STFU’ a lar ber
Drake hla thar ‘Janice STFU’ chu kar khat chhunga khawvel huapa hla lar ber niin Billboard Global 200 chart No.1-ah a debut a, he chart-a No.1 kai thei hla pali a neihna a ni. Hetihrual hian tunkar chart top 10-ah a hla pariat a lang thei bawk.
Drake hian a album thar ‘ICEMAN,’ ‘HABIBTI’ leh ‘MAID OF HONOUR’ te tlangzarhin, heng album pathum hi Billboard 200 (US albums) chart-ah No.1, 2 leh 3 an ni thei a, hetiang tithei hmasa ber a ni nghe nghe. Tunah ICEMAN album-a a hla ‘Janice STFU’ chu Billboard Global 200 chart-ah a No.1 leh ta, ICEMAN album-a hla dang pasarih chu chart top 10-ah an lang thei bawk a, tihian he chart top 10-a lang thei hla 45 a nei tling ta a ni.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
Drake “Janice STFU” hian kar khat chhungin stream maktaduai 69.4 leh sales 3,000 neiin, chart No.1-ah a debut a, he chart-a No.1 kai thei hla pali a neihna a ni a, a hla dang “IDGAF,” featuring Yeat (Oct. 21, 2023); “Rich Flex,” with 21 Savage (Nov. 19, 2022); leh “What’s Next” (March 20, 2021) te No.1 an lo kai tawh bawk.
Tunkar Global 200 chart top 10-a Drake hla lang dang te chu- ‘Ran to Atlanta’ featuring Future & Molly Santana-in stream maktaduai 63.6 neiin, No.2 a ni a, ‘Whisper My Name’-in stream maktaduai 59.5 neiin No.3 a ni a, “National Treasure”-in stream maktaduai 57.9 neiin, No.4 a ni a, “Shabang”-in stream maktaduai 54 neiin, No.5 a ni a, “Make Them Cry”-in stream maktaduai 53.8 neiin, No.6 a ni a, “Dust”-in stream maktaduai 49.6 neiin No.7 a ni a, “2 Hard 4 the Radio”-in stream maktaduai 45.3 neiin, No.9 a ni bawk.
Drake hian Billboard Global 200 chart top 10-a \um khata hla pariat a neih hi a \um hnihna a ni ta a, September 2021 khan a album ‘Certified Lover Boy’ a hla pariat chu he chart top 10-ah hian a rualin an lo lang tawh bawk a ni.
Drake hian Billboard Global 200 chart top 10-a lang thei hla 45 a nei tling ta a, Taylor Swift (42) lehpelin, he chart top 10-a hla ngah ber a ni ta a, pathumna chu Bad Bunny (25) a ni.
Tunkara he chart top 10-a Drake hla ni lo lang te chu chart No.1 hlui ve ve niin, Michael Jackson hla hlui Billie Jean chu No.1 a\angin No.8-ah a tawlh a, chart No.1 hlui bawk BTS ‘Swim’ chu No.2 a\angin No.10-ah a tawlh ta bawk.
Billboard Global 200
Top 10:
1 Janice STFU – Drake
2 Ran To Atlanta – Drake Feauring Future & Molly Santana
3 Whisper My Name – Drake
4 National Treasures – Drake
5 Shabang – Drake
6 Make Them Cry – Drake
7 Dust – Drake
8 Billie Jean – Michael Jackson
9 2 Hard 4 The Radio – Drake
10 Swim – BTS
Drake ‘Janice STFU’ a lar ber
