Halle Berry chuan Drake chu a phalna la hmasa lovin, a hla thar “Slime you out” cover art atan a thlalak hmang ah a puh.
Drake hian a hla thar “Slime You Out” SZA nen a an feat dunna tur hla hi kar hmasa zirtawpni (september 15) khan a release a, a album thar tihchhuah tur “For All the Dogs” a tana single a tihchhuah hmasak ber a ni nghe nghe. Drake hian “Slime You Out” cover atan hian 2012 Nickelodeon Kids’ Choice Awards sem tuma Halle Berry thlalak a hmang a, Halle Berry hian a thlalak hmang tur hian Drake an a rawn hmasak loh thu leh phalna engmah a pe lo tih sawiin, a lungawi lo hle.
Drake an a hla single thar a tichhuah hnu lawkah hian Halle Berry chuan a instagram lamah post siam nghal in quotes pakhat “A chang chuan hmeichhia te pawh rilru puitling leh zau pu zawk tu kan nih a tul thin” a ti a. Berry thu post ah hian mimal taka Drake a hming sawilanna thu awm lo mahse, a followers thenkhat te chuan Drake a chungchang a sawina ah an ngaihsak a ni.
Berry follower pakhat chuan, Drake an a album thar cover a, a thlalak a hman chungchanga a ngaihdan zawtin Halle Berry chuan “Ka phalna la lo in a ka thlalak a hmang” tiin a chhang hmiah mai a. Hetianga thu a kal vel lai hian Drake a thupuangtu erawh chuan Halle Berry-in Drake a puhna chungchang ah a ngaihdan an zawhin thudik leh diklo anih thu a chhang lo thung a. Halle Berry Slime in a hmai a cover na thlalak hi Drake a instagram bakah a hla sak pui tur SZA instagram lamah chuan post a ni ve ve thung a ni.
Drake lakah Halle Berry lawm lo
