e thlawk chak zet mai an siam a, a average top speed chu 480.23 kmph (298.47 mph) niin, Guinness World Records-in khawvela drone thlawk chak berah an puang.
Mike te pafa i Western Cape, South Africa a cheng an ni a, he drone thlawk chak siam tur hian thla tam an lo buaipui tawh a, a tawpah chuan an quadcopter hi an thlawh tir thei ta a ni.
An drone hmingah hian Peregreen 2 an vuah a, original Peregreen model 397kmph a chak a thlawk thei hming an chawi tir a, mahse, Peregreen hi Guinness World Records-in a thlawh chak theih zawng hi official-in an hriatpui lo tlat a ni.
Peregreen 2 record siam hi battery-powered remote-controlled (RC) quadcopter thlawk chak ber a ni. Mike te pafa hian an drone hi an buaipui rei hle a, an beisei angin an siam fuh lawk thei lo va, an enchhinnaa a khawl lam fuh tawk lo te, a wiring fuh lo leh battery overheat avang te pawhin an buai tawh a, mahse, beidawng lova an beih hram hramna chuan Guinness World Record a siamtir ta a ni.
Peregreen 2 hi a thlawh chak ber lai chuan 510 kmph a kai pha a, mahse, vawi khat thlawh tir mai a tawk lova, vawi hnih thlawhah a average top speed lak a ni. Carbon fibre sheel hmangin hei hian a tizâng thain, control a tinuam niin an sawi bawk.
Drone thlawk chak ber
