Dua Lipa hla hit ‘Levitating’ music video chuan YouTube-ah vawi tluklehdingawn en a hlawh ta a, he mellung hi kum nga pawh tling loah a thleng hman a, Dua Lipa music hetiang zat en hlawh thei pathumna a ni.
‘Levitating’ music video hi Warren Fu direct niin, TikTok nen thawkho a an siam a ni a, a video-ah hian Dua Lipa pawh, galactic portal, elevator hmanlai deuh hlek tawh niawm takah inlanin, he elevator-ah hian DaBaby pawh a inlan a, a remix chu Billboard Hot100 (US singles) chart-ah No.2 a kai nghe nghe a nih kha.
‘Levitating’ hi a album ‘Future Nostalgia’ atanga a single niin, a hla hi kum zabi 21-naa US-a hla lar zualah pakuana a ni pha a, Harry Styles “As It Was’ leh Post Malone ‘Circles’ te chungah a awm. Mahse, he hlaa a thawhpui DaBaby hian an inhnimhnai zui ta lo mai pawh ni lovin, Dua Lipa hian a hlat ta hle zawk a, a chhan pawh rapper DaBaby hian 2021 khan tawngkam tuihnai vak loin HIV/AIDS leh gay community a tawngkhum vang a ni.
Dua Lipa ‘Levitating’ music video-in 1B view kai
