Ducati rider ni chunga bul an fuh Marquez
MotoGP world champion vawiruk zet ni tawh Spaniard rider ropui Marc Marquez chu Pathianni Thailand rama bike intlansiak level sang ber MotoGP World Championship season thar an takah pakhatna a ni a, Ducati rider ni chungin duhthusama bulanna ha a hlawhchhuak a; Inrinni sprint race-ah pawh hnehtu a lo ni tawh bawk.
Kum 32 mi Marquez hian season liamta tawp rual khan Gresini Racing chhuahsanin Ducati a zawm a, team thar vuan chungin Thailand rama Buriram International Circuit-ah Inrinni intlansiak hmahruai leh Pathianni intlansiak pui berah hnehna chang ve vein, kum 2019 hnu lama a vawikhatna atan MotoGP standing-ah hma a hruai leh ta a ni.
MotoGP season thara sprint race hmasaberah khan lap khatna aanga a tawp rat thlengin Marc Marquez hian hma a hruai tluanchhuak zak a, maximum point (12) thawkchhuakin, a nau Alex Marquez chu pahnihna niin, Marquez chhungkaw ‘one-two’ hmuh tur a awm!
Kum 28 mi Alex Marquez hi BK8 Gresini Ducati rider a ni thung.
Inrinni sprint race-a pathumna chu kum 2022 leh 2023 champion Italian Francesco Bagnaia kha a ni thung.
Pathiannia season bulanna race (grand prix) tak takah pawh sprint race ang bawkin top three an inthlarthla a, Marquez bawk chungnung leh berin, a hnuaiah Alex leh Bagnaia-te’n an dawt.
Spaniard Marquez chuan kum 2019 hnu lama a title hmasa ber tur a beisei an lehna kawngah duhthusamin season bul a an fuh a, Ducati Lenovo vuan chunga a zinkawng thar zawh an danah a hlim hle tih a sawi.
Aprilla defending champion Spaniard Jorge Martin chu season thar atana Malaysia rama pre-season testing a hmachhawn laiin a chesual a, a kut dinglam leh kephah veilam ruh khi avanga zai a tawh avangin 22-race season bulannaah a inlan ve thei ta lo a ni.
Tlankawnga Aprilia rider kirleh theih hun tur hi la chiang lo mah se March ni 15-16 chhunga Argentina ram tlankawng Termas de Rio Hondo-a Grand Prix of Argentina an tlan hunah chuan a la inlan thei dawn lo phawt tih nemng
Ducati rider ni chunga bul tan fuh Marquez
