Nilaini-a MNF Media & Publicity Department te’n Serchhip bialtu Lalduhoma fund hman dan chungchang an sawi chu ZPM, Serchhip Block te’n an chhang let a, MNF chu thil hre sualah an puh.
“MLA Fund hmanga Pi Zoremi dam lo kanna hi September 5, 2022 khan a pasal, Pu Zoramsiama MRB account-ah a lut thlap a, finfiah theih reng a ni bawk. Pi Zoremi leh Pu Zoramsiama te nupa hian MLA duhsakna dawnga fund hmanga an dam lo kanna dawn hi party mi an nih avanga inthlahrungin sawi darh an hreh hle a. Inthik theih a nih avangin miin an zawh pawhin an zep zawk thin. Chutih a nih laia party inchirhtheh nana hmanrua-a hmanga an thiante leh laina anga an ngaihte’n thu belhchian dawl lo leh finfiahna awm lova mi damloh leh vanduaina hmanga an timualpho hi pawi kan ti hle a ni,” an ti.
“Kan opponent party-te hian bial mipui leh Pathian zarah Pu Lalduhoma a tlin leh ngei an ring si a, amah puhchhiat theih dan zawngin thu dik lo hmangte in an bei duh zel mai a, mipuite lo chiai lo tur leh thudik zawk zawt chiang thin turin kan duh a,” an ti.
Duhoma MLA fund hman dan sawifiah
