Durand Cup 2023
Asia khawmuala football club te inelna upa ber Durand Cup chu August 3, Nilaini khan a vawi 132 nan khelh tan a ni a. Team 24 in champion an inchuh dawn.
India ram chhunga inelna upa leh hlun tak Durand Cup hi kum 2022 khan Asian Football Confederation (AFC) in an certified a, kum 2023 atang hian a vawi khat nan ram dang club te an tel dawn. Ram dang atang rawn tel tur hi Nepal leh Bangladesh atangin an ni a, Bangladesh Army leh Tribhuvan Army te an ni. Anni bakah hian Indian Super League club 12, I-League club panga, Indian Armed Forces team pathum leh I-League 2 team pakhat te an inel dawn a, Aizawl FC an tel dawn lo thung.
August 3 – Nilaini-a khelh tan Durand Cup 2023-ah tel team 24 te hi group parukah team li zelin then an ni a, group champion te theuhin quarter-final an lut ang a. Pahnihna zinga titha zual pahnihin quarter-final an lut ve leh bawk ang. Inelna hi ni khawpui pathumah khelh a ni a, an khelhna te hi Kolkata, Guwahati leh Kokrajhar te an ni. Durand Cup 2022-ah khan team 20 an inel a, Bengaluru FC an champion. Kum 2023-ah hian team 24 an inel ta thung a ni.
Inelna neih mekah hian he inelnaa hnuhma nei tha pahnih; vawi 12 ve ve champion tawh East Bengal leh Mohung Bagan te group khatah an awm tlang a, Group A hian ngaihven a hlawh phah ngei dawn. East Bengal hi Durand Cup-a an champion hnuhnun ber tum chu kum 2004 kha a ni a. Mohun Bagan champion hnuhnun ber tum chu kum 2000 daih tawh kha a ni ve thung.
Durand Cup 2023 – Group
GROUP A
Bangladesh Army
East Bengal FC
Mohun Bagan SG
Punjab FC
GROUP B
Indian Navy
Jamshedpur FC Mohammedan SC
Mumbai City FC
GROUP C
Bengaluru FC
Gokulam Kerala FC
Indian Air Force
Kerala Blasters FC
GROUP D
Downtown Heroes FC
FC Goa
NorthEast United FC
Shillong Lajong FC
GROUP E
Chennaiyin FC
Delhi FC
Hyderabad FC
Tribhuvan Army (Nepal)
GROUP F
Bodoland FC
Army Red
Odisha FC
Rajasthan United