Veteran anti-Islam populist leader Geert Wilders chuan Dutch inthlanpuiah chakna a chang.
Kum 25 hnuah a party Freedom party (PVV) te chuan seat 37 lain an tumpui ber left-wing alliance te chuan an phak lo hle.
“PVV te hai theihin kan awm tawh lo” tia sawiin, “Sorkar kan siam dawn a ni” tiin a sawi bawk.
A chakna chuan Dutch politics mai bakah Europe pawh a nghawng viau dawna ngaih a ni bawk a.
‘Mi tin tana prime minister’ a intiam ang ni tur chuan coalition-ah party dangte a sawm luh a ngai dawn a. Seat 150 awmah seat 76 lak theih a inring a ni.
Kum 60-a upa Wilders hian raltlante lakluh loha ramri khar duhtu niin chu mai bakah Koran khap bur a intiam bawk.
“Sorkar kan duh a, kan sorkar dawn bawk a. Kan chak ang bawkin mawhphurhna kan nei lian a ni,” tiin a sawi.
Vote thlak hmain party lian dang pathumte chu Wilders te chuan far-right policy an kalpui avangin an thawhpui theih dawn loh thu an sawi lawk nachungin a chakna a san em vangin thil a danglam thei viaua ngaih a ni.
Dutch inthlanah Geert Wilders chak
