Election Commission chuan Thawhtan khan Home Secretary paruk lai sawn tura thu pe in chung zingah chuan Gujarat, Bihar leh Uttar Pradesh a top bureaucrats te pawh an tel.
Poll panel chuan tun hnaia inthlan kaihhnawiha tharumthawhna thlen fo na West Bengal a Director-General of Police pawh sawn turin a ti bawk a. Poll panel chuan tlai dar 5 hmaa amah thlak tur mi pathum duhthlan theih tur thehlut turin a ti bawk.
Inthlanpui hmaa sorkar hnathawk sawn kual chu Election Commission tan thil thar a ni lo va. A hma pawhin Jharkhand, Himachal Pradesh leh Uttarakhand ome Secretary te bakah Mizoram leh Himachal Pradesh Chief Minister office a senior official attached te pawh a lo sawn tawh a ni.
ECI chuan Iqbal Singh Chahal, Commissioner of the Brihanmumbai Municipal Corporation bakah Maharashtra a municipalities a officials thenkhatte chu a sawn bawk a.
Tun hi kum 2024 inthlanpui April 19 atanga neih tan tur hmaa ECI in bureaucratic re-jic a kalpui hmasak ber a ni a.
ECI hian thutlukna a siam hma in Chief Election Commissioner Rajiv Kumar leh Election Commissioner ruat thar pahnih Gyanesh Kumar leh Sukhbir Singh Sandhu te nen meeting nei phawtin chutak chuan Lok Sabh leh Assemble inthlan awm tura political party te level-playing field a awm theih nan tiin hma a la ta a ni.
Heng bureaucrat sawn kual te hi an awmna state theuha chief minister te nena inhnimhnai tak an nih avangin thil fello a awm theih hlauhna vang tia sawi a ni a, official te chu neutral tura ngaih an ni.
Uttar Pradesh a Sanjay Prasad chu Principal Secretary to Chief Minister Yogi Adityanath a ni a, chumai bakah kum 2022 atang khan Home Department hmuitir a ni bawk.
Bengal a rorel lai Trinamool Congress te chuan Chief Minister Mamata Banerjee party nena inhnimhnai taka sawi DGP Rajiv Malik sawnchhuahah engmah sawi an la nei lo va. Tun hma erawhin State sorkar chuan senior civil service leh police official te inthlan dawn ruaia sawn an ni thin chu post thar chelh tu tur ten an hna an hriatfiah nana hun an mamawh thin avangin an lo sawisel tawh thin thung.
Bengal hi inthlan laia tharumthawhna thlen tamna a ni a. Nikum Kune pawh khan panchayat election neihnaah nunna chan an awm nual a ni.
ECI-in official liante sawn kual
