Aizawl North-III bialtu MLA, Disaster Management & Rehabilitation minister K Sapdanga chuan Pathianni chhun a bial chhung Edenthar vengchung lama lei chetna hmun a tlawh a. District Disaster Management Authority Aizawl chairman, bawrhsap Er Lalhriatpuia leh official-ten an tawiawm.
Edenthar Local Council leh YMA-ten minister hi an lo dawngsawng a, in pakhat thiah nghal a ngaih avangin Edenthar khawtlang chuan hnatlang an ko a; minister chuan hnatlang thingpui lumna senso atan DM&R department sum atangin Rs 10000 a hlan.
Edenthar vengchhak lam lei che vang hian chhungkaw engemawzat an inthiar chhuak a. DM&R minister chuan khawtlang hruaitute hnenah mahni in chhuahsan chhungkuate chu BSUP building Edenthar lamah an awmna tur ngaihtuah sak an nih tur thu a hrilh a, a theih anga hma lo la turin a chah a ni.
Edenthar lei chetna hmunah hian lung lian tak tak lum mai thei a awm a. Aizawl bawrhsap leh DM&R department ruahmannain heng lung hi thenfai a nih theihnan hma lak nghal a ni.
Edenthar-ah lei chet vangin inthiar chhuak
