Nihnih awh SCERT leh NCERT (National Council of Educational Council and Training) huaihawt “Project Vidyasagar, Education Workshop” chu Zirtawpni khan khar a ni.
Workshop hi National Curriculum Framework (NCF) 2023-in hmalakna thar a duante educator-ten an hriatfiah theih nana buatsaih a ni a. NCERT hnuaia National Assessment Centre PARAKH (Performance Assessment, Review, and Analysis of Knowledge for Holistic Development) leh PHD Chamber of Commerce and Industry (PHDCCI) tangdunin India ram chhunga a vawi 23-na atan SCERT Mizoramah an rawn nghat a ni.
PHDCCI assistant secretary general Shalini S Sharma chuan workshop-a tel tura sawm educator 62 te lawmna thu sawiin, hetianga thawh hona tha tak neih fo hi a tul tih a sawi a. PARAKH NCERT head & CEO Prof. Indrani Bhaduri chuan keynote address sawiin, zirna level hrang hrang atana thiamchhuah leh hriat ngaite naupangin an thiam kim theihna atana educator-te pawimawhna a sawi.
Workshop hi SCERT joint director Dr Lalduhawmi Thomte chuan hmanpuiin, kan rama zirna kan kalpui danah thlak danglam ngai thlak a, problem solving leh analytical skills nei tur zawnga zirtirna kalpui a tul tawh tih a sawi a ni.
Educator-te hriat tur hrilhfiah
