Egypt in Malaria umbo
World Health Organization (WHO) chuan Egypt ram chu malaria awm lohna a nih thu a nemnghet a, UN public health agency chuan ‘history ropui tak’ a nih thu sawiin, hahipin a fak hle.
WHO hotu Tedros Adhanom Ghebreyesus chuan, ‘Malaria hi Egypt civilization ang bawkin a hlui tawh a, Pharao-te tibuaitu natna hi tunah chuan history mai a ni ta,’ a ti.
Egypt thuneitute chuan kum 100 dawn lai he natna hrik kai thei, rulhut vanga thihna thlen thei hi tihtawp tumin hma an la nasa hle thin a ni.
UN public health agency chuan Egypt rama mihring leh rulhut inzawmna tihtlem tumna hmasa ber chu kum 1920 chho atanga tan a nih thu a sawi a, hemi hnu hian chenna in bula buh chin leh agriculture thlai chin a khap a ni, a ti.
Malaria hi complex parasite avanga lo awm a ni a, chu chu rulhut seh avanga kai darh a ni.
Tunah hian hmun thenkhatah vaccine hman a ni tawh a – mahse natna enfiah leh thosi seh laka invenna chu malaria laka invenna kawng tha ber a nih thu UN hriselna endiktute chuan an sawi.
Egypt in Malaria umbo
