Eizawnna atana inchher hriamna tur institute din

emPOWERu Training and Development Institute, Kulikawn ami chu Zirtawpni khan hawn a ni.
emPOWERu training course hian communication skills, leadership skills, influencing, personal skills, interpersonal skills, creativity, professional skills leh a dang tangkai tak tak a huam dawn a. Zirlaite dinhmun hrechiang hmasa in an mamawh ang zawnga inzirtir chu a tum lian tak a ni.
emPOWERu founder director Golda Dell Zohmangaihi chuan he institute tum ber chu, Mizo mipuiin kan eizawnna kawnga hmasawnna tur, min lo dawrtute kan lo dawnsawn dan tha zawk, kan hnuaia hnathawkte kan chhawr dan tha zawk, kawng hrang hranga hlawhtlinna leh changkanna kawng kan zawh theihna tura inzirtir a ni tih a sawi a. Puitlin hnuah chauh ni lo, middle school level atanga inzirtir tan a pawimawh, tiin, an thil tum a hlawhtlin chuan mahnia eizawng leh mi hnuaia thawk zawng zawng pawh sang takah a hlangkai thei dawn tih a sawi a ni.
Hmanpuitu IPRP&S minister B Lalchhanzova chuan, Mizoten mahni invawn kawngah leh mahni intundin kawnga hmasawnna tur kawng kawhhmuhtu an awm chu lawmawm a tih thu a sawi a. Sawrkar hna a that rualin mahnia intundin tumna lam kan hawi zel chu a lawmawm a, hetiang kawnga kaihruaitu leh zirtirtu an awm ta chu a lawmawm tih a sawi a ni.