YouTube channel pakhat ‘Kids Invent Stuff’ tih a awm a, engineer pahnih Ruth Amos leh Shawn Brown te buaipui vel a ni a, naupang kum 4 leh kum 11 inkar ten an thiam thil chi hrang hrang an thawhkhawm thin. Mipa naupang kum 11 mi, George chuan electric toothbrush lian zet mai lem a ziah a thawn ve a, Amos leh Brown te chuan chutiang toothbrush lian chu siam ngei tumin hma an la ta a ni.
Ni nga chhung an buaipui hnuah ‘George’s Toothbrush’ chu an siam zo ta a, electric toothbrush pangngai aia a let 10 vela lian niin, thir phek leh hmanraw chi hrang hrang hmangin an siam a.A lu bawrah brush thlawn theih neiin, huan han tihfai vel nana hman zui theih tur a ni. He toothbrush hi Guinness World Record chuan khawvela electric toothbrush lian berah a puang ta a ni.
Electric toothbrush lian ber
