Ella Langley “Choosin’ Texas”-in thlangtu a ngah leh ta ber

Ella Langley “Choosin’ Texas”-in thlangtu a ngah leh ta ber
Ella Langley hla hit “Choosin’ Texas” chuan Billboard Hot 100 chart No.1 ni rei record a siam sawhnghetin, chart No.1 a rawn ni leh ta a, he chart-ah hian a zawn lovin kar 25 a No.1 tling. Hetihrual hian chart top 5-ah hla pathum an lang thar a- Tate McRae, Olivia Rodrigo & Chappell Roan leh Zach Bryan & Lana Del Rey te top 5-ah an lang.
Billboard Hot 100 (US singles) chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Ella Langley “Choosin’ Texas” hian kar khat chhungin US-ah official stream maktaduai 20, radio airplay ngaithlatu maktaduai 58.6 leh sales 4,000 nei lehin, a kar 25 nan chart-ah a No.1 pui leh ta a ni.
“Choosin’ Texas” hla hi October 2025-a tlangzarh kha niin, kumin February thla khan a vawi khat nan chart-ah a rawn No.1 a, chuta tang chuan vawiin thlengin chart top 10-a a la chhuahsan lo a, a zawn lovin kar 25 a No.1 tling ta a ni. He chart-a hla pakhat No.1 nih rei theiah hian a hmaa record samtu chu Mariah Carey Krismas lengzem “All I Want for Christmas Is You” niin, kar 23 a No.1 tawh. He hla hi 1994-a tlangzarh tawh kha niin, 2019 December khan a vawi khat nan chart-ah a rawn No.1 a, chuta tang chuan kumtin Krismas leh kumthar vuakvetah chart-ah a No.1 ta ziah a, a zawn lovin kar 22 a No.1 tling tawh.
Tate McRae “Housewife” chuan stream maktaduai 22,9 leh radio airplay ngaithlatu maktaduai 12.7 bakah sales 4,000 neiin, chart No.2-ah a debut. McRae hian chart top 10-a lang thei hla pali nei tawhin, lead artist angin tun hi he chart-a a tawn san ber a la ni.
Olivia Rodrigo leh Chappell Roan te hla “Expectations” chuan strea, maktaduai 18.2, radio airplay ngaithlatu maktaduai 2.6 leh sales 4,000 neiin, chu chu No.63 atangin No.3-ah a invawrh pui a, he hla hiJune thlaa an tlangzarh tawh kha a ni a Rodrigo No.1album “you seem pretty sad for a gril so in love’ album atanga a single a ni a, tunhnaiah a remix leh music video an tichhuak thar a, chu chuan a rawn vawrh lar thar leh ta a ni. Rodrigo hian chart top 10 a lang thei hla 11 a nei tling ta a, Roan tan erawh a vawi ngana a ni ve thung.
Zach Bryan “Lies” featuring Lana Del Rey chuan stream maktaduai 19.6 leh sales 5,000 neiin No.4 a ni a, Bryan tan he chart top 10-a lang thei hla pali a neihna niin, Del Rey tan a pathumna a ni. He hla hi Zach Bryan No.1 album “Young Manhood and Other Donatable Organs’ a hla pariat zinga pakhat a ni.
Taylor Swift “Patient Zero” chu kar thum a No.1 hnuah No.1 atangin No.5-ah a tawlh ta a, Stella Lefty “Boston” chu No.3 atangin No.6-ah a tawlh a, Morgan Wallen “Been by Now” chu No.4 atangin No.7-ah a tawlh a, Tame Impala leh JENNIE “Dracula” chu No.5 atangin No.8-ah tawlhin, ADELA “Nicole Kidman” chu No.6 atangin No.9-ah a tawlh a, Olivia Rodrigo “Stupid Song” chu No.8 atangin No.10-ah a tawlh ta bawk.