Eminem-a’n rap challenge a chhang
Eminem hian rap challenge reng reng chhan lohin a ngawihsan mai mai ngai lo an tia lawm, tunah pawh a thian leh rap lama a sangawizawnpui LL Cool J-a Rock The Bells chuan X-ah Slin Shady hi ko chhuakin, English-ah “silver” tih thumal nena rhyme thei a awm lo an tih thuah Eminem chu a chophur ta a, darkar 24 chhunga “silver” rhyme tur a phuah theih leh theih loh an lo ngai chang tiin X-ah a tweet ta a ni.
Eminem a ngawi rei thei ta lo, “silver” tih chu bul tan nana hmangin, freestyle verse a bei ta a, “Silver pilfer kill fer Gilbert’s still hurts steel shirts Bill Burr mil* word off kilter no filter chill brrrr feel burn still slur will stir Trent dilfer Val kilmer Still third shield her he’ll squirt Steven Spielberg Lil twerp Wilshire She’ll purr Kill birds milk curd feel worth Real nerd Stans documentary I liked your film sir,” tiin X-ah a chhang ta nghal a ni.
Fans lam pawhin an lawm khawp mai a, “GOAT nge nge, engkim a rhyme thei e,” tih te, “Bro hi chu dictionary kal thei a ni ringawt alawm,” ti a comment te kat deuh nawk.
Slim Shady hi rimawi kawvelah a tal rei ve ta fû nain, a pen te a la dah awl mai mai lo a, a la intuaihriam peih reng mai a, thla kalta mai pawh khan ‘Animals, Pt.1’ atan Atlanta rapper JID a rawn thawhpui leh lawp lawp a. Stans documentary pawh a tlangzarh a, cinema hall-ah an chhuah tan tawh dawn bawk e.
Eminem-a’n rap challenge a chhang
