Eklavya Model Residential School (EMRS) District Level Committee Saitual chu an chairman, district bawrhsap Dr Lalngura Tlau hoin Thawhtanni khan an thukhawm.
Chairman chuan EMRS-ah thawktu indaihlohna avanga thawktu lakbelh chungchangah a thiam leh tling ngei lak nise, chutiang mi tur chu inzawn theih hram a nih a beisei tih a sawi. EMRS chauh nilo Mizoramah fit tawk lo chunga thawktu inlak awm thin chuan zirna in a tawrh phah hle thin tih a sawi a ni.
Thutkhawmah hian Ngopa khuaa Eklavya Model Residential School (EMRS)a thawktu 4th grade pakhat leh Mizo zirtirtu pakhat lak belh bakah residential school a nih anga a hmunhma tihhmasawnna tur thil hrang hrang ngaihtuah ho a ni.
EMRS Ngopaah hian zirlai 270 awm mekin principal report danin, kum 2021 academic session atanga bul tan a ni a; class VI-X inkar hi CBSE syllabus anga zirna kalpui a nih angin CBSE Exam Centre an ni nghal. Tunah hian principal telin teaching staff 12, non teaching staff 3 leh supporting staff 7 an awm a, nurse pakhat leh damlo pahnih mut theihna Health Centre an nei bawk.
EMRS thawktu lak tur ngaihtuah
