EMRS Tlangnuam sak mek
siamthat ngai siam dan tur rel
Eklavya Model Residential School Tlangnuam sak mek, Mizoram State Project Monitoring Committee-in a hmuna a lo endik tawhnaa siamthat ngai siamthat dan tur relin Nilaini khan thutkhawm a ni.
Mizoram State Project Monitoring Committee (MSPMC) hian kumin November 1 khan EMRS Tlangnuam hi a hmunah an lo tlawh tawh a. Component hrang hrang hi a plan angin thawh a ni em, tih an endik. Endiknaa an thil hmuh atanga siamthat ngai leh hma lak zui dan tur an rel a ni.
Eklavya Residential School hi India Constitution Article 275(1) hnuaiah tribal naupang, hmun kilkhawr amiten national standard zirna an hmuh theihnana ruahman a ni. Ministry of Tribal Affairs sum vaibelchhe 24 senga sak niin, tribal naupang 480 (mipa leh hmeichhia 240 ve ve) tena thlawna zirna tha an hmuh theihna atana mamawh chitin awmna tura ruahman a ni. Nodal department hi Social Welfare & Tribal Affairs a ni a, contractor hi DJ Consultancy Services Mission Vengthlang Aizawl a ni.
Hnathawh thlirletnaah hian MSPMC member ho, Social Welfare & Tribal Affairs hotute, contractor DJ Consultancy Services leh project consultant Biakliana & Sons Consultancy Engineer te an tel.
EMRS Tlangnuam sak mek siamthat ngai siam dan tur rel
