END-in meth leh heroin man
Excise & Narcotics Department leh Assam Rifles thawkdun chuan February 4 chawhnu dar 2.20 khan Zote Tiau Champhai district-ah methamphetamine kg 2 & gram 222 (mum 20200) leh a neitu nia puh mi pahnih – Sumlamthang (35) Bulfek Myanmar leh Zamngaihno (36) Bukphir Myanmar nia inchhalte an man.
Excise & Narcotics Department hian February 4 tlai dar 5.40 khan Khatla-ah heroin gram 246 (hawng 23) leh a neitu nia puh mi pahnih – Kapchina (34) Khawmawi Myanmar leh Naman Uddin (32) Patharkandi, Karimganj District Assam nia inchhalte an man a. Heroin phurhna atana an hman lirthei pahnih – SML truck MZ04 A 4454 leh Wagon R car AS-10 G 9038 pawh hren a ni.
Heroin leh methamphetamine vanga mante hi ND&PS Act 1985 tlawhchhanin thubuai siamsak an ni.
END-in meth leh heroin man
