February 6 khan Excise & Narcotics Department chuan hmun hnihah heroin an man a, Mizoram Police pawhin crystal meth an man bawk.
Excise & Narcotics Department hian Thawhlehni zing dar 8.40 khan Durtlang Leitanah heroin gram 577 (hawng 48) leh a neitua puh mi pathum – Vanneihmawii (30) Falam Myanmar; Lalnunsiama (21) Kelkang Champhai district leh Malsawmdawngliana (19) Edenthar Aizawl, tuna Dawrpui Vengthara khawsa nia inchhalte an man a. Thawhlehni vek zing dar 8.50 khan Aizawl Electric Vengah heroin gram 40 (hawng 3) leh a neitua puh Laltlanmawia (36) Electric Hebron Aizawl inti chu an man bawk.
Mizoram Police CID (SB) leh Champhai Police tangdun chuan Thawhlehni chawhma dar 10.30 khan Champhai district Zokhawtharah crystal methamphetamine nia hriat pack 10, kg. 10.385 a rit an man a, a neitu nia puh Malsawmzuali (38) leh Lalchhandama (19), Lengpuia cheng nia inchhalte pawh manin, drugs lokalna leh a kal zelna tur hi chhui zui mek a ni
Ruihhlo vanga mante hi ND&PS Act 1985 tlawhchhanin thubuai siamsak an ni.
END leh police-in drugs man
