Football-ah thutlukna dik zawk siam a nih theih nan khawl thluak nei Video Assistant Referee (VAR) hman lar a ni a. VAR hian inkhel enkawltu ten thutlukna dik leh felfai zawk an siam theihnan a pui tha viau vawk. Kawng thenkhatah VAR a tangkai em em laiin kawng lehlamah chuan VAR hian inkhel a tihhoh deuh riau changte a awm a. Khawl thluak nei enkawltu leh thutlukna siamtu chu mihring tho an nih bawk si vangin thutlukna dik tawk lo leh thuthlukna mak pui pui a awm reng tho bawk. EPL season kal mekah VAR thutlukna dik lo langsar zual kan tarlang ang.
Season kal meka League game khelh tawh 239-ah VAR hi vawi 70 zet rawn a ni tawh a. Thlutlukna lian a siam hi season hmasa 95.7% aiin a pung hret a, 96/.4% a ni der tawh. Chung zinga thutlukna dik lo langsar zualte chu:
August 25, 2024 khan AFC Bournemouth leh Newcastle United te chu 1-1 in an inhnehtawk. He inkhelah hian mualneitu Bournemouth tan Dango Quttara chuan chakna goal a thu a, first referee David Coote pawhin goal-ah a pawm hman. VAR enkawltu lam Tim Robinson chuan thutlukna thlakthleng a, goal-a pawm lo turin Coote thu a rawn a, hand ball vangin he goal hi hnawl a ni. Inkhel a zawh hnuin PGMOL chief Howard Webb chuan VAR thutlukna hi a dik lo va, hand ball a nih loh thu Sky Sport a hrilh leh tlat si.
October 27, 2024 khan West Ham United chuan Jarrod Bowen penalty hmangin an mikhual Manchester United chu 2-1 in an hneh. He inkhelah hian box chhunga Mathijs de Ligt leh Danny Ings ball an inchuhna lamah Igns a tlu. Referee David Coote chuan penalty turah a ngai lem lo. VAR rawn a ni a, VAR enkawltu Michael Oliver chuan penalty pe turin thurawn a pe. Penalty hi Bowen chuan a pet goal a, West Ham in United an hneh. Hammers laka an tlawm hnu lawkah United in an manager Erik ten Hag an ban zui hial. West Ham in penalty an hmuh hi Referee lam pawla hotu ber Webb chuan penalty pekna tur a nih loh thu a sawi chhuak leh.
November 23, 2024 khan Brentford leh Everton te chu goal awm lovin an inhnehtawk. He inkhelah hian Christian Norgaard chuan Everton goalkeeper Jordan Pickford chu a khupin a do palh. Norgaard hi feferee Chris Kavanagh chuan hnawhchhuah tul ti lem lo mah se VAR rawn a nih hnuin hnawhchhuah a ni a. Match thum khel thei lo turin hrem zui a ni. He hremna hi Everton in an khinglet a, an hlawhtling a, Norgaard hi hrem zui a ni lo.
PJanuary 19, 2025 khan Nottingham Forrest chuan an mikhual Southampton chu 3-2 in an hneh. He inkhelah hian Nottingham Forrest tan Nikola Milenkovic chuan 4-1 hma an hruaina goal a tauh lut. He goal hi VAR rawn a nih hnuin offside-ah ngaih a ni a, goal hi hnawl a ni. Zirchiangtuten an zirchian nawn leh hnuin VAR thutlukna hi a dik lova, Milenkovic goal thun hi pawm loh nachhan tur an hmu lo.
EPL a VAR thutlukna dik lo langsar zualte
