Premier League club Everton chuan 2022-23 season-ah khan pound maktaduai 89.1 (US dollar 112.5 million) an hloh niawmin Pathianni khan English media lamin an tarlang a, a hma chiah season-a an sum hloh £44.7M (USD 56.4M) nena khaikhin chuan a tam hle a ni.
Merseyside club hi Premier League pawisa hman dan khuahkhirhna (financial rules) an bawhchhiat avangin tun season tir lam khan point ruk tehreng paihsak an ni a, dan bawhchhiatna dang avangin hremna sang zawk an hmu dawn em tih an la nghak cheu mek!
Point ruk chawi chunga bul tan an nih avangin Premier League table lamah pawh tunah hian 16-na an luah pha chauh a, relegation zone nena an inkar hlat zawng pawh point thum chauh a ni!
Sum lama Everton talbuaina bulpui chu kum 2022-a an major sponsorship an hloh kha niin, Russia-in thenawm Ukraine a run rahchhuah a ni a; Russian metals tycoon Alisher Usmanov chu Vladimir Putin-a thian tha leh sum lama puitu langsar niin, infiamna lamah pawh a company hrang hrang kaltlangin a inrawlh thuk hle a, Everton pawh hi a zarzotu niin, Putin leh a sipai sawrkar thlawptu leh sum lama chawmtu lian a nih avangin European Union-in an hrem (sanction) a, chuvangin Liverpool khaw club pawh hian Usmanov kaltlanga an major sponsorship an hloh phah a ni.
Sum lama an nghenchhan lian ber lak atanga an beisei an hmuh theih tak loh avangin Everton sumhloh hi a pung thur thur ta a ni ber!
Everton sum hloh a turu
