HSLC exam neih mekah Social Science subject zawhnaa thil felhlel titu zirtirtu suspend tak chu a lakah FIR a luh avangin man a ni a, jail-ah a luh phah bawk.
Hemi chungchanga zawhna House-a sawifiahtu School Education minister Dr Vanlalthlana chuan, HSLC exam neih meka suggestion anga zawhna chhuakah School Education department-in a mawha la in, zirtirtu in a tih loh tur a ti tih hriat a ni a, finfiahna pawh a awm a. Department-in hma a lak a ngai tiin, dan anga chhuichian a ngaih avangin zirtirtu hi chawlh lailawk tir a ni ta tih a sawi.
Hetianga department lamin hma a lak chuan MBSE tan hre lo anga awm a theih loa, dan an neih anga hma la in FIR a thehlut a, thil pawi tak erawh Sessions judge a lo awm remchan loh avangin suspend mek zirtirtu hi jail-a a luh a ngaih phah tih a sawi a ni.
Nakin zelah exam zawhna him zawk nei turin inbuatsaihna hmunah CCTV an dah tawh dawn tih minister hian a sawi a ni.
Exam suggestion pek vanga suspend jail-ah
