Ministry of Electronics and Information Technology chuan kar kalta Ningani khan Information Technology (Intermediary Guidelines and Digital Media Ethics Code) Rules, 2021 a siam tha a. Chumi hmang chuan Union government chuan information dik lo emaw leh ‘fake news’ tih te thliar hrangtu tur official fact checker nei dawnin chumi hmang chuan online real money gaming industry te chu awmze nei zawka kalpui leh thunun tumin apps heng fantasy sports sites, rummy leh poker te pawh a huam vek dawn a ni.
Amendment-in engtin nge fake news a sawi?
Press Information Bureau (PIB) a fact check unit te, WhatsApp forwards leh Central Government schemes leh department kaihhnawiha news article tam tak te a nihna dik tak lailang tawh thintu chu official fact checker angin a hmang dawn a. Hei vang hian news eng pawh fake tia tihchian a nih phawt chuan social media te chuan chung thil (content) a himna an neih ‘safe harbour’ chu an hloh tawh dawn a, lawsuit emaw dan anga khin theih an ni tawh dawn a ni.
Social media company-te hian a hmangtute hman danah legal immunity an nei tlangpui a, a chhan ber pawh Information Technology Act, 2000 chuan pali angin intermediaries anga a ngaih vang a ni. IT Rules hnuaiah chuan an dinhmun status an hloh theihna awm chu India ramah grievance officer an neih loh emaw complaint lut te a hun taka chhanna an siam theihloh emaw deuh chauh a ni a. Tunah erawh amendment siam thar hmangin sorkar in hei hi chu information dik lo a ni tia a chhinchhiah thilah chuan himna an neih thin ‘safe harbour immunity’ an nei tawh dawn lo.
Amendment siamin sawisel a hlawh chhan?
Sorkar chan he amendment siam hma hian rawn tur ngai te rawnin hriattirna pein hma a la hmasa a ti a. Mahse, pawl heng Editors Guild of India leh Internet Freedom Foundation (IFF) te ang chuan amendment chu ‘censorship nena in ang reng’ tih leh ‘dan thila inhnial theih’ tiin a sawi a, thutlukna siam a nih hmain rawn emaw an ngaihdan lak a ni lo an ti bawk.
Platform ten ‘fake news’ an la thla ang em?
Union Minister of State for Electronics and Information Technology Rajeev Chandrasekhar chuan journalist te nena Twitter a titihona an neihah amendment an siam chu censorship nena ang khata ngaih loh tur tia sawiin social media firm tena a hmaa ‘fake news’ tih hriat reng pawh la thla duh lova immunity an neih thona chu paihsak an ni mai chauh dawn a ti a. Mahse, IFF te chuan, “He amendment siam hian funademantal right to speech and expression te a bik takin news publishers, journalists, activists etc tena an neih chu a chhilh hnan vek a ni,” an ti thung.
Engtiangin nge platform tena chhanletna an siam dawn hriat a la ni lo va. US-ah chuan social media firm ten langsar taka sorkar nena inbakkaih duh lovin ngawi rengin fake news tia chhinchhiah te chu an la thla mai a. Twitter erawh a dan a dang a, Karnataka High Court in censorship order a pek te chu an bei let a, Elon Musk kaihhruaina hnuaiah journalists, politicians leh activists te thu post te chu sorkar ngennna angin paihthlak an nei reng thung. Chandrasekhar an a sawi ber chu social media firm te chuan ‘fake news’ tia an chhinchhiah leh tarlan te chu an duh chuan an lakthlak kher a ngai lo a ti thung a, mahse sorkar nena inzawmna an neih chuan thil thui tak a hril ang a tithung.
Amendment-in real money online games a sawi dan?
Amendment chuan real money gaming services te user ten pawisa tak tak hlawk tuma an deposit-na te chuan Self-Regulatory Body (SRB) in ‘phalna a pek’ ngei a ngai a ti a, he body-ah hian mithiam leh industry member-te an awm a ni. A thuhrimin India ramah ‘betting leh gambling’ chungchang sawifiahna awmze felfai zawka siam tawh niin chutah chuan State te kutah administrative authority dah niin heta real money games a ‘permissible’ tih te pawh vanneih thila innghat lo ni tura dah a ni a. Real money gaming industry hian State hrang hrangah court thubuai a nei nual a, chung mite chuan tuna amendment hi an fak thung a, zawm an tum thu an sawi hlawm. Chandrasekhar chuan game thenkhatte ‘permissible’ hnuaia awm lo te chu ‘betting and gambling’ category-ah awmin hengahte hi chuan State-in tul leh rem an tih dan angin khuahkhirhna emaw khapna an kalpui thei a ti.
Betting leh gambling apps te khap a ni ang em?
Sorkar chuan real money game chu thiamthil emaw vanneihna a ni em tihah inrawlhna a nei duh lo thung a, thutlukna chu SRB siam tura tih a ni thung a. Hei vang hian major fantasy sporting apps leh card games-te court order nei te chuan ‘game of skill’ angin an ngai a, hei vang hian amendment chuan a nghawng lo thei. He amendment siam a nih hma hian Union Cabinet chuan Allocation of Business Rules siam thain Centre chu ‘online gaming’ thunun tura thuneihna sang zawk a pe a ni.
He amendment hian State sorkar te chu a tilawm lo thei thung a. Entir nan Tamil Nadu chuan ‘betting and gaming’ label hnuaiah real money online games tum thum khap a tum chu a hlawhchhampui tawh a. Bill hnuhnung ber poker leh rummy te gambling a pawmna tur chu TN governor R.N. Ravi chuan a pekir hial a. Governor berin a pekkir chuan he Bill hi dan anga kalpui a nih loh rinna a lian hle a, a bik takin tunah legal framework thar a awm zui vangin pawm zui a nih loh rinna a lian hle.