Chief minister Lalduhoma kaihhruaiin Mizoram State Policy Coordination Committee chu Zirtawpni khan an thukhawm a. Bana Kaih pilot phase atana thawhpui tur (progress partner) thlan chu kumin February 20-a peih hman nise an ti.
Pilot phase atana thawhpui tur thlan kawngah detail project report (DPR) neih tel zel a tul avangin hun a duh deuh tih sawi a ni a. CM Special package hmanga pek chhuah tur zat (allotment) chu tun thutkhawm hian a tipung bawk. Heng tihfelna atan hian hun tlem a la ngaih avangin line department-te chu February 20 hmaa an lehkha Planning department-a thehlut fel tura tih an ni.
Pilot phase atana dilna hun hi khar a ni tawh a, dilna lut tawh zinga hnawl (reject) loh ho zawng chu phase awm leh atan rin zui theihin line department-ten an dah tha tih sawi a ni.
February 20-ah Bana Kaih tur thlanfel hman tum ang
