US Open champion Coco Gauff chuan nimin khan Ukrainian world number 37 Marta Kostyuk lakah rim taka thawkin 7-6 (6), 6-7 (3), 6-2 hnehna nen a vawikhatna atan Australian Open semi-final a lut.
Fourth-seeded American hian darkar thum chuang chhungin Rod Laver Arena boruak lum tak hnuaiah hnehna a sualchhuak a; inkhelh banah a tumpui Marta khawng thu sawi chungin Ukrainian nena an inhmachhawn tawh phawt chu a la hautak vek tih a sawi.
Coach Brad Gilbert nena champion tum mek kum 19 mi Coco tan tun hi tleirawl a nih chhunga a grand dlam tournament khelh tawpna tur ni tawhin, nikum khan New York-ah a major title hmasaber a hlawhchhuak a, Melbourne Park-ah hian teenager ni chunga grand slam title sualchhuah leh a tumna kawngah hian last four-ah tunge a tum leh dawn tih he thu buatsaih lai hian hriat hman a ni lo a, nikum Flushing Meadows final-a a hneh tawh Aryna Sabalenka leh Czech ninth seed Barbora Krejcikova inkhela chak zawk zawk an ni ang.
Defending champion Sabalenka Krejcikova hi nizan khan quarter-final khelin an inhmachhawn a, tunge tlang zawk tarlan hman a ni ta lo.
Tarlan tawh \hin angin, kum 25 mi Belarusian hi nikum September thla US Open final-ah khan Gauff hneh loin a tlawm a, Melbourne Park-ah hian nimin last four match khelh hma thleng khan set khat mah a la hloh lo a, last eight a luhna kawngah khan game 11 chiah a la hloh.
Fiahna lian paltlanga semi lut Coco
