Assembly Session neih mekah speaker Lalbiakzama kaihhruaiin State Legislative Assembly hnuaia Financial Committee peng pali-a member thlan tura February 26-a Parliamentary Affairs minister Lalthansanga’n House-a a putluh chu, House-a party hrang hrangin aiawh tur an thehluh chu thlan ngai loa insiamrem theih a ni tih puangin, a rawtna hi pawm a ni.
House member-te ruat an nih dan chu: Public Accounts Committee – VL Zaithanzama (ZPM), W Chhuanawma (ZPM), Lt.Col. Clement Lalhmingthanga (ZPM), TBC Lalvenchhunga (ZPM), Lalchhandama Ralte (MNF), C Ngunlianchunga (INC), Dr K Beichhua (BJP); Committee on Estimates – W Chhuanawma (ZPM), Lalmuanpuia Punte (ZPM), T Lalhlimpuia (ZPM), Jeje Lalpekhlua (ZPM), Lalrintluanga Sailo (MNF), Robert Romawia Royte (MNF), C Ngunlianchunga (INC).
Committee on Public Undertakings: Lt. Col. Clement Lalhmingthanga (ZPM), H Ginzalala (ZPM), Lalramliana (ZPM), V Malsawmtluanga (ZPM), Ramthanmawia (MNF), K Laldawngliana (MNF), K Hrahmo (BJP); Committee on Local Fund Accounts: Lalchhuanthanga (ZPM), Lalramliana (ZPM), Dr Lorrain Lalpekliana Chinzah (ZPM), Baryl Vanneihsangi (ZPM), H Lalzirliana (MNF), Larinsanga Ralte (MNF), C Ngunlianchunga (INC) an ni.
Heng Committee hrang hrangah hian chairman tur chu thlan an ni leh dawn a ni.
Financial Committee peng palia member tur thlang
