Dearness allowance an dawn tur ang an la dawn loh avanga sawrkar hnathawkten lungawilohna lantir tuma an inruahmanna chu civil pensioner-te chuan an thlawp a, an zawm ve dawn tih an sawi.
Federation of Mizoram Govt. Employees & Workers hian DA rate thar ang pek ve tawh phutin badge dum an bel a, hemi hnu hian finance changtu chief minister nena an inbiaknaah lungawina tur awma an hriat loh avangin an thil phut mek nawrna atan peaceful demonstration nei turin an intintuah mek a. August 28 – 30 thleng pen/ tool down strike an nei ang. Heta a hlawhtlinna an hmu lo a nih chuan August 31 leh September 1 ah mass casual leave an la dawn a ni.
Mizoram Civil Pensioners’ Association chuan FMGE&W peaceful demonstration neih tur hi an zawm ve dawn tih thuchhuah a siam a. Mizoram leh Kerala-a an affiliated member zawng zawngte chuan an awmna hmun theuhah zawm ve turin an inhriattir a ni
FMGE&W lungawilohna Pensioner-ten thlawp rel
