Saitual district-a khaw pahnih, Sihfa leh Khanpui chu Ningani khan district bawrhsap Dr Lalngura Tlau chuan a tlawh a, FOCUS-a line department aiawhten an tawiawm.
Sihfaah hian FOCUS hnuaia huan thlai nghet nei tura chhungkaw 15 thlante hmalakna thlir ho a ni a. Bawrhsap chuan FOCUS hnuaia hma an laknaah line department-ten theihtawp an chhuahpui zel tur thu hrilhin, mipui chu ram an neih danah, tichhe zel loa, hmun nghet neih an inzirtir a ngai tih a sawi. Chhungkaw tam zawk inkhaichhuah dan tur ngaihtuaha beih hram hram a, mipui sum lakluh a pun phah a, zirna tha an neih theihna atana hmalak zel dan turah pawh ngaihtuahna seng turin a sawm a ni.
Khaw pahnih tlawhnaah hian line department atanga hmalakna hrang hrang – link road laih, chinai thi sem, thlai chi sem, tanky siam, terrace siam, nursery siam bakah ranvulh lamah vawkte, arnote leh kelnote sem thlengin an hmalakna en ho a ni.
Khanpuia Multipurpose Cooperative Society-in FOCUS puihnaa cheng nuai 25 senga market access facility an din chu bawrhsap hian tlawh nghalin, mipui tan ranchaw siamna hmun tha taka an kalpui thei chu lawmawm a tih thu sawi.
Khanpui Multipurpose Cooperative Society hian kum 2023 khan bul tanin ranchaw quintal 110 an thar a, kuminah pawh vaimim chi tha leiin a thlawnin member-te hnenah an pe a ni. Board of Directors enkawlna hnuaiah shareholder 297 an awm a, nominal member 62 an awm. PACS, consumer store, FPO (animal husbandary) NABARD tumsakte an enkawl bawk.
Khanpuia cold storage dah thar a tlawh bawk a, hei hi Lailak leh Khanpui khuaa tomato chingtute tana siam a ni.
FOCUS hnuaia hmalakna en
