C Los Angeles FC chuan AC Milan leh France striker Olivier Giroud chu free agent a nih hnuah Major League Soccer (MLS) zawm turin an sawm a. Mumal takin contract proposal an thawn. (Fabrizio Romano)
C Manchester City leh Norway striker Erling Haaland chu Barcelona in kum 2025 nipui bazar inhawn hunah lak an tum. Kum 23 mi Haaland-a agent Rafaela Pimenta chu thla liam ta khan Barcelona sports director Deco nen an lo inhmu tawh nghe nghe. (Mundo Deportivo – in Spanish)
C Brentford leh England striker Ivan Toney chu Manchester United in nipui bazar inhawn huna lak an duh zingah a tel. (Fabrizio Romano via Caught Offside)
C Manchester United chuan Casemiro hmunruak luahtu tura an mi duh an tichiang ta a, Wolves leh Brazil midfielder Joao Gomes chu an mi duh a ni. Casemiro hian nipui bazar inhawn hunah United a chhuahsan ngei tura ngaih a ni. (Sport – in Spanish)
C Arsenal chuan nipui bazar inhawn hunah Sporting Lisbon leh Ivory Coast defender Ousmane Diomande lak dan an ngaihtuah a. Sweden forward Viktor Gyokeres thlithlai turin an scout te tirchhuak bawk mah se Diomande hian an mit a la ta zawk hlauh. (Sun)
C Sporting Lisbon forward Gyokeres hi Arsenal chuan lak tuma an ngaihven thin England leh Brentford striker Ivan Toney aiin an duh tawh zawk a. West Ham United pawhin lak tumin an ngaihven ve bawk. (TalkSport)
C Manchester United chuan nipui bazar inhawn hunah an manager thar atan Gareth Southgate an ruai dawn a nih chuan England national team a enkawlpui a coaching staff te zawng zawng an rut fai vek ang. (Sun)
C Manchester United hian Wolves manager Gary O’Neil nen Old Trafford-a coaching set-up thara chanvo tur chungchang sawi dun an duh. (ESPN)
C Roma in an ban hnua club enkawl la nei leh lo Jose Mourinho chuan club enkawl tura kir a inpeih leh tawh thu a sawi. (Fabrizio Romano)
C Bayern Munich chuan Barcelona leh Uruguay defender Ronald Araujo chu khawvela defender manto ber ni turin lak an huam. (Marca – in Spanish)
C Liverpool leh Bayern Munich te chuan Brighton coach Roberto de Zerbi chu Bayer Leverkusen manager Xabi Alonso aiin an manager thar atan an duh zawk. (Bild – in German)
C Luis Diaz-a pa chuan Liverpool leh Colombia winger Diaz hian Spain club lian tana khelh a chakna a la beidawn san loh thu a sawi. (Cadena SER – in Spanish)
C Wolves chuan Southampton leh Scotland striker Che Adams lak tuma intlansiaknaah hma an hruai. Kum 27 mi Che Adam hian nipui bazar inhawn hunah contract a hmang zo dawn a, free transfer in a lak theih dawn. (Telegraph – subscription)
C Ajax chuan Aston Villa atangin kum 20 mi English midfielder Tim Iroegbunam lak tumin hma an la. (Football Insider)
C Sturm Graz chuan Arsenal atanga an hawh mek kum 21 mi Danish striker Mika Biereth chu a nghetin lak luh an duh. (Evening Standard)
C Arsenal chu nipui bazar inhawn hunah Portuguese defender Nuno Tavares hralh turin an inpeih a, kum 24 mi hi Italian club lian Lazio in lak tumin an ngaihven. (Football London)
C Chelsea chuan sum leh pai khuahkhirhna dan an bawhchhiat loh nan inhralh then an mamawh a. Nipui bazar inhawn hunah England midfielder Conor Gallagher, English defender Trevor Chalobah leh Albania striker Armando Broja te dawrtu an awm a nih chuan lawm taka dawnsawn an tum. (Football Insider)
C Brighton chuan Romanian club Cluj tana khel mek Nigerian winger Philip Otele an ngaihven. (Evening Standard)
C Real Madrid chuan kum 16 mi River Plate midfielder Franco Mastantuono thlithlai turin an scout te an tirchhuak. (90min)