C Manchester City chuan Bayern Munich leh Germany forward Jamal Musiala lak tuma intlansiaknaah hma an hruai. Musiala hi Liverpool, Barcelona leh Paris St-Germain te pawhin ngaihven ve bawk mah se City hian an hnaih ber rih. (Independent)
C Brentford chuan nipui bazar inhawn hunah England striker Ivan Toney chu an hnen atangin a chhuah ngei an ring a. Bees in £50m an chhiar Toney hi EPL club atanga ngaihven zingah Manchester United pawh an tel. (HITC)
C Manchester United neitu Sir Jim Ratcliffe chuan Newcastle United co-owner Amanda Staveley chu hmain sporting director Dan Ashworth chungchangah inremna neihpui ngei turin a dawr. (Times – subscription required)
C Tunhaniah Germany forward Kai Havertz a khelh that vangin Arsenal chuan nipui bazar inhawn hunah an ruahmanna ngaihtuah that leh an tum a. Heti a nih tak vang hian Gunners hian Toney an lak loh hmel ta hle. (Mirror)
C Manchester United chuan an defender Raphael Varane chu contract thar zawrh an tum tawh lova, kum 30 mi hian nipui bazar inhawn hunah Old Trafford a chhuahsan ngei tura ngaih a ni a. France defender hlui Varane hian season tawp rualin a contract neih mek a hmang zo ang. (Chris Wheeler, Mail)
C Kum 20 mi Arsenal midfielder Charlie Patino chuan nipui bazar inhawn hunah ram dang club pan a tum. (Evening Standard)
C Liverpool leh Sporting Lisbon te chu Ruben Amorim chungchangah a thu phungin inremna an nei tawh. (Football Insider)
C Tottenham manager Ange Postecoglou chuan nipui bazar inhawn hunah centre-back thar pakhat tal lak a duh a. Bayer Leverkusen leh Ecuador international Piero Hincapie chu lak a duh zual zingah a tel. (Bild, via TeamTalk)
C Spurs hian Union Saint-Gilloise leh Algeria striker Mohamed Amoura pawh lak tumin an ngaihven a. EPL club dang West Ham United leh Wolves ten an chuhpui ngei dawn thung. (GiveMeSport)
C Manchester City chuan EPL-a an elpui lian Liverpool leh Arsenal te hmakhalhin kum 18 mi Gremio midfielder Gustavo Nunes lak ngei an tum. (Sun)
C Napoli chuan Aston Villa atanga an hawh mek Belgium midfielder Leander Dendoncker chu a ngheta lak zui tumna an nei lo. (Calciomercato – in Italian)
C Chelsea chuan nipui bazar inhawn hunah an squad thlak danglam chiam an tum a, chhuak tura ngaih zingah England midfielder Conor Gallagher pawh a tel a. An player neih sa hralhchhuak chiam in, player thar 11 vel lai lak thar an tum. (Sun)
C Barcelona chuan Spain midfielder Pedri ngaihventu Paris St-Germain an hnar hnuin, Pedri hi contract thar zawrh thuai an tum. (Fabrizio Romano)